प्रस्तुत पुुस्तकात डॉ. मुटकुळे यांच्या ‘चक्र’, ‘सावट’ आणि ‘जू’ या तीन कलाकृतींचा समावेश आहे. ही तीनही नाटके म्हणजे समाजाला दाखवलेला आरसा आहे. गेल्या शे-दीडशे वर्षातील सामाजिक, राजकीय स्थित्यंतरे तटस्थपणे नोंदवण्याचे अफाट सामर्थ्य डॉक्टर मुटकुळे यांच्या लेखणीत आहे. त्यांची लेखणी पुरोगामी परंपरेचा पुरस्कार करणारी आणि सत्यान्वेषी आहे. लेखणीच्या माध्यमातून समाजचित्रण करत प्रबोधनाच्या मार्गावर अव्याहतपणे चालणारे वाटसरू म्हणून त्यांच्याकडे पाहता येईल. त्यांची दृष्टी व्यापक आणि दृष्टिकोन उदात्त आहे.