शरीर एक जादूगार

जादूगाराच्या पोतडीतला अनमोल खजिना

श्री. राजेंद्र देशपांडे हे आरोग्याविषयी सजग असलेले नागरिक आहेत. समाज शरीराने आणि मनाने सुदृढ असावा अशी त्यांची आंतरिक इच्छा आहे. याच तळमळीतून त्यांनी आपली जीवनशैली, आहार, वांशिक परंपरा, रुग्णांचे अनुभव यांचा अभ्यास केला. आपले शरीर हेच एक मोठे जादूगार आहे अशी त्यांची धारणा आहे. सकस आहार हेच निरोगी आयुष्याचे सूत्र आहे, याचे त्यांनी अनेक दाखले दिले आहेत.
आपल्या खापर खापर पणजोबांची गोष्ट सांगून ते आपल्याला जागे करतात. मानवी जीवनाचा सुरुवातीचा काळ आणि रोगांची पार्श्वभूमी मांडतानाच त्यांनी रोगाची निर्मिती कशी झाली याचेही वर्णन केले आहे. प्राचीन व आधुनिक जीवनशैलींचा अभ्यास करून त्याचा सुवर्णमध्य कसा साधला जाईल यासाठीचे त्यांचे चिंतन समाजासाठी अत्यंत उपयुक्त आहे.