राहुलखुणा

मराठीतील सुप्रसिद्ध समीक्षक, ‘मनोरंजन, संस्कार आणि प्रेरणा’ या त्रिसूत्रीवर दृढ विश्वास ठेवून वाटचाल करणारे लेखक डॉ. राहुल अशोक पाटील यांचं आपल्यातून जाणं खूपच वेदनादायी आहे. मेणबत्तीतल्या दोर्‍याप्रमाणं साहित्याशी एकरूप झालेल्या पाटील सरांची वाटचाल आत्ता कुठं सुरू झाली होती. मराठी साहित्यशारदेच्या दरबारात लक्षणीय योगदान देण्याची क्षमता असलेला हा अफाट प्रतिभेचा बेभाट माणूस आज आपल्यात नाही, यावर विश्वास ठेवणं म्हणूनच कठीण जातं. त्यांच्या पत्नी विजयाताई पाटील यांनी अतिशय धीरोदात्तपणा दाखवत या ग्रंथाचं संपादन केलं आहे.