शहीद

संजय चौगुले हे गडहिंग्लज येथील एक हरहुन्नरी युवक. पेट्रोल पंपावर काम करण्यापासून अनेक काबाडकष्ट करणार्‍या जिद्दी संजय यांनी प्रशासकीय सेवेत जाण्याचा मनोनिश्चय केला आणि त्यासाठी अविरत प्रयत्न केले. त्यातून त्यांचे ईप्सित साध्य झाले आणि ते पोलीस खात्यात रूजू झाले. प्रतिकूलतेला अनुकूलतेत बदलण्याचे सामर्थ्य अंगी बाळगून असलेल्या संजय यांनी धडपडणार्‍या तरूणाईपुढे आदर्शांचा मनोरा उभारला. आपल्या ध्येयासाठी समाजकंटकांशी चार हात करताना त्यांना वीरमरण आले. त्यांच्या हौतात्याची ही गाथा गडहिंग्लजचे ज्येष्ठ पत्रकार श्री. सुभाष धुमे यांनी अतिशय नेमकेपणाने मांडली आहे.